الحرب العالمية الثالثة ونهاية العالم ومعركة هرمجدون

 

الحرب العالميه التالته ونهايه العالم
اولا كده انا مليش ايدلوجيا سياسيه ولا عندي اله غير ربنا اللي خلقني ولا عندي حد منزه غير الأنبياء وصحابه رسول الله... انا مجرد واحد بيقراء وبيطلع وبيشغل مخه...

الناس اللى تايهة فى الأحداث وعامله تهزر وتهرج ومش فاهمه لحد دلوقتى ولا متخيله يعنى أيه "حرب عالمية تالته" ؟؟ اللى هو مين مع مين ؟ ولو قامت أيه اللى هيحصل ؟ وأيه اللى هنتعرض ليه

 

عاوز اقولك ان احنا بستخدم من قبل قوي عظمى في العالم وبيضحك علينا والموضوع ولا حرب دين ولا قضيه ولا هويه ولا اي حاجه من كل ده الموضوع وكلمه السر تجاره السلاح ونفط المنطقه في الشرق الأوسط وكل حاكم ودوله بتجار بالقضيه اعرف انهم كدابين.... حضرتك فيه ٥ دول هما مصنعين السلاح في العالم وهما اللي بيستخدموا باقي الدول زي عرايس الماريونييت وبيحركوهم طبقا لمصالحهم انهم يسيطروا على النفط ويخلقوا صراعات وحروب عشان يبيعوا سلاح الدول دي هي أمريكا روسيا الصين فرنسا والمانيا حجم مكسب كل دوله فيهم لا يقل عن ٣٠ مليار دولارفي السنه من بيع السلاح الدول دي لازم تخلي دايما في صراعات في العالم والا هيشتغلوا ازي ويبعيوا سلاح ازاي لان المبلغ اللي بيتحصلوا عليه من بيع السلاح بيمثل ليهم جزء كبير من موازنتهم ومش هستبعد ان يكون في تنسيق ما بينهم كمان.... عارف ان قصه اليمن كانت خلصت لولا تدخل أمريكا وروسيا وإدخال الحوثيين فيها عارف من ساعتها السعوديه ودول الخليج اشتروا سلاح اد ايه من امريكا .... طيب أأكد ليك أن القصه قصه مصالح دلوقتي فيه نزاع الغاز في البحر المتوسط أمريكا سمحت لمصر بابرام اتفاقيه مع قبرص واليونان ومش كده وبس سمحت انها تشتري حامله طائرات وقطع بحريه وغواصات من ألمانيا ودي مكنتش بتسمح بيه الأول أن مصر تشتري سلاح من أوروربا وبالتطور ده في المقابل مصر دخلت إسرائيل في الصفقه على أن الغاز يتصدر لشرق أوروبا وإسرائيل ومصر وقبرص واليونان يستفيدوا وأوروبا مرحبه جدا بالصفقه عشان تقلل احتكار روسيا لتصدير الغاز...طيب هقولك الأخطر من كده ان حقول الغاز دي تم اكتشفها من ٢٠٠٩ وكل دوله بتجهز للي بيحصل من عشر سنين تخيل وحاطه اكتر من سيناريو...... وعلى الرغم ان تركيا وامريكا ليهم مصالح في سوريا وبينهم مصالح عسكريه وامريكا نفسها ساندت تركيا ضد قبرص واليونان قبل كده والاتنين مش معترفين بحكومه قبرص وامريكا نفسها ليها قاعده جويه في تركيا اسمها انجرليك ... وعلى الرغم ان إسرائيل حليفه أمريكا الأولى وتدخل تركيا في ليبيا دي بيضر مصالح إسرائيل نفسها وممكن تتضامن مع مصر وقبرص في حرب ضد تركيا... هتلاقي امريكا واقفه من بعيد بتتفرج مش بس كده لا دي بتبيع سلاح للمجلس الوطني الليبي عن طريق قطر وسايبه تركيا تدخلهم سلاح وعامله مش شايفه ان روسيا ومصر ودول الخليج بتدعم حفتر بالسلاح والأموال.. ودي لعبه الدول الكبيره من زمان تخلق العدو البعبع وتقولك تعالي اشتري سلاح وانا بدعمك عشان تقضي عليه ..... وعلى النقيض إسرائيل هتلاقيها على حدود النيل في إثيوبيا ورراء سد النهضه.عشان مكاسب السد اللي هي مموله وفائض الميه اللي هيروحلها وتضر بمصر عادي جدا اللي لسه مدخلها في صفقه الغاز عادي جدا لأن تركيا وامريكا وإسرائيل يهمهم مصالحهم ومش هما بس اي دوله بتدور على مصلحتها وبتداري وراء اي شعار يخدمها
طيب بلاش دي شوف الكلمتين دول وركز فيهم اوي عشان تتأكد القصه كلها مصالح دول عظمى... بص يا سيدي وركز......

إيران مع بشار الأسد وبشار ضد الإخوان إيران مع حماس حماس مع الإخوان
والإخوان ضد إيران دول الخليج ضد إيران وضد الأخوان دول الخليج مع السيسي والسيسي مع بشار دول الخليج ضد بشار دول الخليج مع تركياوتركيا ضد بشار وضد السيسي تركيا مع الإخوان دول الخليج مع أمريكاوأمريكا ضد الإخوان والإخوان مع حماس وحماس ضد أمريكا وروسيا مع السيسي والسيسي مع بشار وأمريكا ضد بشارو قطر مع حماس وحماس ضد أمريكا وقطر فيها اكبر قاعده امريكيه في الشرق الأوسط....... الخلاصه عشان دماغك متلفش كتير ان الدول الكبيره دي هما صحاب العالم وهما اللي بيحطوا سياساته وبيمشوا الكل عليها وهما اللي بيتحكموا في الأمم المتحده ومجلس الأمن والاقتصاد العالمي وأغلبهم بيمتلك اسلحه نوويه مع إسرائيل والهند وكوريا الشماليه اللي هي اصلا الذراع الخفي للصين وبيستخدموا الدول عشان يخضوا الحروب بدالهم بالوكاله ودايما بيخلقوا العدو ويدعموا الطرف المتضرر بالسلاح عندك مثلا فرنسا بتدافع عن المسلمين في الشرق الأوسط وبتقتلهم في مالي أمريكا بتدافع عنهم سوريا وبتقتلهم في أفغانستان روسيا بتدافع عنهم في الشرق الأوسط وبتقتلهم في الشيشان وبسكت على قتلهم في الصين ..... ولازم تعرف لو فيه دول فعلا وحكام كان همهم نصره الدين كان ربنا نصرنا لان الباطل لا يصمد أمام الحق كل هذا كلها جعجعه فاضيه ومفيش مره حاكم مسلم دعي لسوق عربيه مشتركه او شركه ضخمه مع ان في دول اسلاميه موازنتها داخله على ٢ ترليون ما الإسلام والعرب مش هينتصروا الا لما يبقوا اقويا وهيبقوا اقويا لما يمتلكوا سلاحهم ودواهم وغذاءهم مش هيبقوا اقويا بالشعارات يا مولانا .... كل اللي هيحصل دلوقتي دي علامات يوم القيامه في أرض الميعاد في سوريا هيخلوا المعارك تشتد بين السنه والشيعه في سوريا وهيخشوا هما بالاسم بس وهيستخدموا دول تانيه على الأرض.... ومحدش هيدفع التمن غير المدنيين والمستضعفيبن... وهيستمر الوضع ده لحد ما يخرج حاكم يوحد العرب والمسلمين.. كلامي صعب ومش اي حد هيتقبله لأننا بنحب نضحك على نفسنا عشان نهرب من الواقع او نخلق أبطال وهميين ونمشي وراءهم ...... للأسف محدش في ايده حاجه غير انه يبتدي بنفسه ويرجع لربنا

 

- القصه ببساطه ابتدت فى سنة "2010" طلعت دراسه علميه بتأكد ان منطقة شرق البحر المتوسط موجود فيها 192 تريليون قدم مكعب من الغاز الطبيعى و
1,7 مليار برميل من احتياطى النفط .. وفى مصادر تانيه اكدت ان الأرقام دى برغم كبر حجمها إلا انها صغيره وولا حاجه والأرقام اكبر من كدا بكتير .. "كنز عالمى" من الوقود والكل عايزه بقى وبيسابق عليه .. لأن أساس أى دوله وتقدمها وازدهارها وتحكمها هو النفط .. القصه ببساطه ان بعد ظهور الكنز ده ف قاع البحر المتوسط بدأ الصراع بين الدول اللى بتحيط بمياه شرق البحرالمتوسط واللى همه من "الجنوب" مصر وليبيا وقطاع غزه ومن "الشرق" اسرائيل ولبنان وسوريا وفى "الشمال" تركيا واليونان .. ولأن ليبيا أصلاً بلد غنيه بالموارد النفطيه اللى فيها .. يعنى مش بحاجه ضروريه بالنسبالها غاز البحر .. تركيا بتستورد 90% من الطاقه اللى بتحتاجها .. واليونان بتعانى ازمه ماليه ومحتاجه للثروه .. ومصر طبعا حقها تبقى من الدول الغنيه بالطاقه .. وإسرائيل بقى اللى مش بتشبع ابدا .. وبعد م أنتشر خبر وجود الكنز النفطى بدأت اتفاقات الترسيم الحدود البحريه بين الدول بقى .. من ضمنهم اتفاقيه بين مصر وقبرص واليونان واسرائيل ضمنت لكل دوله الحصول على جزء من الغاز, وع الجانب الاخر راحت تركيا واتفقت مع النظام الليبى وابتدت تقطع الطريق على دول المتوسط اللى من ضمنهم "مصر" ..
وبعد تصريحات اردوغان انه هيبعت قوات تركية لليبيا يوم ٧ يناير 2020
اللى لو بس قربت بزحف جيشها ع الحدود الليبيه مصر هترد وبعنف ومصر مبتهزرش وقت الجد او أى حد يقرب منها ساعة اللزوم ..

- غير بقى مسرح الاحداث في اثيوبيا ومش عايز اصدمك واقلك أن لو السد خد قذف صاروخى من اسرائيل او من الدول اللى ليها مصلحه تخلص من الكل هنبقى وقتها عباره عن فيضانات وبنغرق وهنموت .. ومش عايزك تنسى برضو الدواعش والتخاريب بتاعتهم وبيضربو فى النص ومش بس كدا برضو استنى ع التقيله أوعى تنسى أمنا الغوله اللى بتسكت وبتضرب ع غفله "إسرائيل" .. إسرائيل بقى ف اكتفت بأنها متنحازش لأى طرف وساكته وسكوتها ده يقلق ويخوف .. وبكدا مصر واليونان وقبرص والجيش الليبى من ناحيه وتركيا وحكومة طرابلس من ناحيه تانيه واسرائيل فى النص خدت وضع المتفرج ..

سيناريو الحرب بقى وأيه اللى هيتم ؟؟ على الأغلب هتكون حرب بحريه لأن مفيش حدود بريه هتجمعهم وبكدا هتبقى المعركه بحريه وجويه .. ده غير طبعاً المعجنه الكبرى اللى هتحصل بين الولايات "واشنطن" بعد اغتيالهم ل لسليمانى القائد الإيرانى واللى إيران وعدتهم هترد عليهم بعنف .. وعايز أختم بالتقيله أن زعيم كوريا الشماليه "كيم جونغ أون" أن بلاده أنهت الوقف الاختياري للتجارب النووية وتجارب الأسلحة البالستية العابرة للقارات ومتوعد بفعل "مروع" ضد الولايات المتحدة .. أنتَ حالياً أكيد عارف إن هاشتاج الحرب العالمية الثالثة WW3 مُتصدر تويتر بقاله كام ساعة ووصل عدد التغريدات عليه لأكثر من مليون ونُص تغريدة.. وده كله برغم خطورته وأنه دمار للبشر جميعاً إلا انها بدايه للملحمه الكبرى المنتظرة "هرمجدون"..

- أهل الكتاب بيؤمنو جداً بالمعركه المشتركه دى إيماناً جازماً وبيسموها فى كتبهم وعقائدهم بـ معركة (هرمجـدون) أو (هرمجــيدو) ، وهرمجدون دى كلمة عبريّة بتتكون من مقطعين المقطع الأول: (هر) بمعنى جبل و(مجدون) أو (مجيدو) هو وادٍ في فلسطين .. في سِفْرٍ من أسفار أهل الكتاب يسمى بـ سِفْرِ الرؤيا في الإصحاح السادس عشر، بيقول: أن جيوش العالم كلها هتتجمع في أرض أسمها هرمجدون, وقال الرئيس الأمريكي (رونل دريجن): إن الجيل ده بالتحديد هو الجيل اللى هيشوف هرمجدون .. فى المرحله الزمنية الخطيرة دى هيحصل ف الكون أمر قدري كونيّ, محدش ليه دخل فيه من البشرعلى وجه الأرض أمر قدرى من الله وهو ظهور "المهدى المنتظر" المعركه دى من شدتها حتى الطير اللى هيمر أثناء الحرب جنبهم هيخر ميت من شدة الحرب .. وتتوالى بقى الاحداث حتى النهاية مع تفاصيل كتير حاولت أختصرها على قد ماقدر وراجعت كتير على الكلام قبل مأكتبه واتأكدت منه ومن مصادره ..

موضوع الهزار على الحرب بقى قمة الجهل وغباء عن الوعي الموضوع مش مستحمل ذرة هزار .. جنودنا الغلابة طلعوا ع الحدود خلاص و شايلين روحهم بين ايديهم -
حرب اكتوبر للنهارده شايله ف كل بيت وجع وقهر
الموت والخراب والدمار مش سهل ولا هين كده
دي علامات ساعه.. حقيقي اقترب للناس حسابهم وهم في غفلة معرضون ...
الضرب ابتدى فى ليبيا - الجيش اعلن حالة طوارئ - اهالينا اللى فى الجيش كلهم هيجيلهم استدعاء فى اى وقت لو قامت حرب واحنا ولا دريانين !! متخيل جارك او قريبك مرمي فالتلج وبيسال الدم حواليه وانت قاعد تعمل كوميكس عليه؟؟ ياجماعه احنا ف كارثه كل الدول العربيه اللي انضربت ووقعت واتشردت سابت اراضيها واموالها دول لو خرجو بعيالهم كاملين يبقي انتصار اه احنا شعب دمنا خفيف بس مش كده..
-الموضوع مرعب ومخيف بكل المقاييس و من علامات الساعة الكبرى مش فاهمة ايه اللى مضحك وايه انعدام الاحساس دة ؟
انعدام الامان هيبقي مشكلتنا اللي ممكن تموتنا من غير ماحد يكلمنا اصلا اسأل جارك اللي لجأ عشان يتحامي ف ارضك هيقولك ان الصبح البيت بيكون موجود ف ثانيه بيتدمر وبيتنسف باللي فيه يعني انت قاعد كل ثانيه بتعيش فيها الموت مليون مره..
ادعوا ربنا يسترها...وادعو للناس اللي ماتت حتي لو مش من جنسيتنا وادعو للي طلعو ع الحدود وادعو ربنا مصر تنفد من السناريو ده الحرب ويل وخراب وضغط ع الجميع لو حصلنا حاجه مش هنلاقي حد نركن عليه زي ماباقي الدول عملت وخدت مصر بيت تاني ليها
يارب ماتكتب الخراب ده علينا واحفظلنا مصر وشعبها وولادها واهلنا ونجينا من الفتن..

 

ربنا يسترها فى اللى جاى على خير

والان اترككم مع مشاهدة ممتعه للفيديو