وقفات وعبر مع سورة البقرة

انا بحب سورة البقرة جدا بس دايما كنت بسال نفسي سؤالين ومع اني عارف الاجابة او مش عارفها بس دايما كنت محتار في اجابتهم مع اني سمعت كتير عشان اعرف اجابتهم

او سؤال هي ليه سورة البقرة اسمها كدا

السؤال الثاني هو ايه علاقة مواشيع سورة البقرة ببعضها يعني ربنا سبحامه وتعالي بيتكلم فيها عن مواضيع كتيرة اووي ايه علاقة المواضيع دي كلها ببعضها

سورة البقرة من اكتر السور القرانية اللي المستشرقين خدو عليها مطاعن كانو بيقولو سورة 286 ايه و 49 صفحة انت مش عارف انت طالع منين وداخل فين

كل شوية الموضوع يتغير

بل لدرجة ان بعض كبار علماء التفسير قالو ان سورة البقرة لا يوجد ترابط بين اياتها فهي سورة كلها احكام

 وظهر فريق تاني من العلماء ردو علي المستشرقين ان مفيش كلمة في القران مالهاش حكمة  بل كل كلمة ليها حكمة وترابط مع غيرها لان دا كلام ربنا سبحانه وتعالي

يلا بينا نقف وقفه سريعه مع سورة البقرة ونشوف هل فعلا في ترابط بين الايات ولا ايه القصه بالظبط

تبع معانا الفيديو

السلام عليكم قلتلك قبل الفاصل ان في سؤالين انا كنت بقف عندهم مع اني عارف الاجابه بس طبعا لما تقرا في كتب المستشرقين وتبقي عايز ترد عليهم لازم تقرا السوره بمفهوم مختلف

لازم تسمع كلام ربن بقلبك مش بودانك

السؤال الاول اللي كان سبب التسمية

بص ياسيدي واحد من بني اسرائيل اتقتل ومكنوش عارفين مين اللي قتله راحو لسيدنا موسي باعتباران اكيد متصل بالله

فربنا رد علي سيدنا موسي وقالهم يذبحو بقره والبقرة دي تكون صفراء فطبعا حال بني اسرائيل انت بتقول ايه ياعم انت احنا بنقولك مين اللي قتل تقلنا اذبحو بقره اتتخذونا هزوا يعنعني انت بتتريق علينا طبعا دا اساسا قمة الغلط المفروض اذبحو بقره سمعنا واطعنا هاتو بقرة واذبحوها هما طبعا لا ازاي طب قولنا مواصفاتها قلنا ايه هي وبداو يصعبو الامر علي نفسهم ويماطلو لحد ما جابو البقرة وبذبحوها خدو بقا حته من البقره دي اضربو بيها المقتول هيقوم تاني ويقولكو مين اللي قتله طب ايه الحكمة من كدا بص ياسيدي لو كان سيدنا موسي قالهم فلان وخلاص كانت هتقوم الدنيا ومتعقودش وكانو هيكذبوه انما ربنا بقا حب يثبتلهم مين القاتل بالمقتول نفسه بس عشان دا يحصل لازم تدبحو البقره

السؤال الثاني ايه الترابط بين الايات وبعضها بين المواضيع الموجوده في صورة البقره

باختصار كدا هنحاول نربط الايات ببعضها في ايجاز

الجزء الاول من السورة كان عبارة عن 3 قصص ل 3 خلفاء في الارض

الخليفة الاول هو سيدنا ادم

اني جاعل في الارض خليفه

ربنا كلف ادم تكليف مهم ان يقعد في الجنه ومياكلش من الشجرة النتيجه ان ادم عصي ربنا وجاب 50% في التكليف وعصي ادم ربه فغوي

الخليفه الثاني بني اسرائيل

ولقد اخترناهم علي علم علي العالمين

ربنا كلفهم شوية تكاليف كانت النتيجه 0% مسابوش معصيه في حق ربن الي وعملوها مش بس كدا دول كمان عبدو العجل دا انتو لسه موسي معدي بيكم البحر فشافو ناس بتعبد اصنام قالو اجعل لنا اله كما لهم اله

الخليفة الثالث سيدنا ابراهيم

قال اني جاعلك للناس اماما كانت نتيجة التكليف 100% واطاع ربنا تمام الطاعة واذا ابتلي ابراهيم ربه بكلمات فاتمهن قال اني جاعلك للناس اماما

الجزء الثاني بقا من السورة كان كله احكام

احكام الصيام والقصاص والرضاعه والاسرة وتحريم الربا والخمر واحكام الدين والانفاق والصدقات والصلاه

ربنا قبل ما يقول الاحكام والتكاليف لامة محمد صلي الله عليه وسلم بيقولهم هتكونو زي مين

هتبقو زي ادم تطيعو وتعصو وربنا يتوب عليكم

ولا زي بني اسرائيل قال سمعنا وعصينا

ولا زي سيدنا ابراهيم تطيعو تمام الطاعه

عشان كدا الجزء الاول قصة الثلاث خلفاء والجزء الثاني الاحكام والتشريعات

وفي الاخر ربنا قال ( لله ما في السموات وما في الارض وان تبدو ما في انفسكم او تخفوه يحاسبكم به الله )

لما نزلت الايه دي الصحابه راحو كلهم للنبي صلي الله عليه وسلم وبكو امرنا بالصلاه والصيام والزكاه فصبرنا وامتثلنا لاننا كلفنا بما نطيق ولكن هذا تكليف بما لا نطيق

فقال النبي لا تكونو كبني اسرائيل مع موسي قالو سمعنا وعصينا ولكن قولو سمعنا واطعنا فطبعا قالوها وقالوها كتير عشان كدا ربنا عز وجل مدحهم وقال

امن الرسول بما انزل اليه من ربه والمؤمنون كل امن بالله وملائكته وكتبه ورسوله لا نفرق بين احد من رسله وقالو سمعنا واطعنا غفرانك ربنا واليك المصير

وهنا نزل التخفيف من ربنا ( لا يكلف الله نفسا الا وسعها لها ما كسبت وعليها ما اكتسبت )

وختمت الصورة بدعاء الصحابه ( ربنا لا تؤخذنا ان نسينا او اخطانا يعني يارب متعاملناش زي ادم لو نسينا التكليف او اخطانا فتطردنا من جنتك

ربنا ولا تحمل علينا اصرا كما حملته علي الذين من قبلنا

متعاملناش زي بني اسرائيل والاصر دا الحاجه التقيله علي النفس لان ربنا قلهم

فتوبو الي بارئكم فاقتلو انفسكم

واعف عنا واغفر لنا وارحمنا انت مولنا فانصرنا علي القوم الكافرين

دي كانت الخلاصه في وقفه بسيطه جدا مع سورة البقره من اعظم سور القران اللي المستشرقين ميعرفوش يبصولها بالشكل دا لان طبعا هما بعاد عن نظرتهم لكلام ربنا بقلوبهم وانها لا تعمي الابصار ولكن تعمي القلوب التي في الصدور

وبكدا وصلنا لنهاية الفيديو اتمني ان الفيديو يكون عجبك وان استفاد متنساش الشير والايك والكومنت و لو اول مرة تسمعني متنساش الاشتراك والسلام عليكم ورحمة الله وبركاته